Congresos do Sindicato Nacional de Comisións Obreiras de Galicia | 29 Marzo 2024.

Luz López, reelixida secretaria xeral da Federación do Ensino de CCOO

    Luz López Pérez foi reelixida secretaria xeral da Federación do Ensino de CCOO de Galicia. Así o decidiron as setenta delegadas e delegados que participaron no 11.º Congreso da federación, que tivo lugar os días 7 e 8 de maio en Santiago de Compostela.

    10/05/2021.
    Luz López, secretaria xeral de CCOO-Ensino

    Luz López, secretaria xeral de CCOO-Ensino

    Baixo o lema «A mellor vacina para eliminar todas as fendas, + educación», no congreso debatéronse as liñas de actuación pasadas, presentes e futuras que colocan a CCOO-Ensino como a primeira forza sindicial do ensino na comunidade autónoma.

    Nos debates primou o consenso, como proban que tanto o informe de xestión como a reelección da secretaria xeral acadaran a unanimidade.

    Na súa intervención como secretaria xeral reelixida, Luz López referiuse aos retos que se afrontarán de aquí en adiante, como son seguir convivindo coa pandemia nas aulas, os ERTE e ERE que afectan ao persoal laboral e no sector privado ou o encaixe da nova lei educativa (LOMLOE) en todos os sectores do ensino.

     

    Canda López, forman parte da nova Comisión Executiva de CCOO-Ensino Diego Bello, María Barcia, José Fuentes, Tania Alonso, María Burke, Verísimo Pazos, Anxo Muñiz, Borja Campos e Iria Antuña.